Kreyòl Enfo, 25 septanm 2019 .- Vil Senmak (Latibonit) konnen yon dezyèm jounen tansyon youn aprè lòt, jodi mèkredi a (25), nan kad mobilizasyon kont prezidan Jovenel Moïse ak pouvwa Tèt Kale a.
Bazelais Etienne se non yon pwotestatè ki resevwa yon bal nan tèt pandan jounen an. Anviwon 10 lòt sitwayen te deja blese anba bal Lapolis, nan zòn Fresino, pandan mouvman pwotestasyon ayè madi a, daprè enfòmasyon rèsponsab opozisyon an pataje ak laprès.
Ajan fòs lòd yo nan site Nisaj Sajè a arete plizyè pwotestatè tou pandan mouvman pwotestasyon yo.
Kreyòl Enfo