Sendomeng : yon eksplozyon kreye gwo panik nan kapital la

Santo Domingo, mèkredi 5 desanm 2018 .- Yon gwo eksplozyon nan yon antrepriz plastik, jodi mèkredi a (5), zòn distri nasyonal kreye yon gwo panik nan plizyè katye vil Santo Domingo, kapital Repiblik Dominikèn.

Kolaboratè Kreyòl Enfo nan Sendomeng konstate eksplozyon sa ki fèt nan antrepriz plastik Poliplas Dominicana souke plizyè katye Santo Domingo, kraze youn nan kay antrepriz la epi blese plizyè sitwayen. Gen plizyè anplwaye ekip k ap pote sekou yo poko janm wè tou depi aprè eksplozyon an, daprè enfòmasyon medya dominiken yo.

Jounal Listin Diário eksplike te gen yon gaz ki t ap flite nan lokal la sa ki te pèmèt rèsponsab antrepriz la gentan fè plizyè anplwaye soti avan eksplozyon an.

Kreyòl Enfo