Sendika asosyasyon pwopriyetè ak chofè Ayiti yo pap swiv modòd grèv opozisyon an

Pòtoprens, dimanch 25 novanm 2018.- Kowodonatè Asosyasyon pwopriyetè ak chofè Ayiti yo ( APCH, sig nan lang franse), Méhu Changeux di sendika chofè yo pa nan grèv Sektè demokratik popilè a lanse pou lendi 26 ak madi 27 novanm k ap vini la a nan batay y ap mennen kont pouvwa a Tèt Kale a.

Sendikalis la mande otorite nan Lapolis yo pran tout dispozisyon pou pèmèt chofè yo transpòte pasaje yo san tèt kase.

Kòwodonatè APCH la, Méhu Changeux di sendika chofè yo pa nan rele viv oubyen aba yon pouvwa. Li fè kwè wòl sendika yo se goumen pou sektè yo reprezante a ansanm ak popilasyon an gen yon lavi miyò.