Kreyòl Enfo, 15 oktòb 2019 .- Prezidan Repiblik la konfime, jodi madi a (15), genyen plizyè espesyalis etranje nan zafè sekirite ki prezan nan peyi a. Toutfwa, Jovenel Moise demanti enfòmasyon ki fè kwè espesyalis entranje sa yo rantre nan Pòtoprens pou ba l sekirite.
Pandan yon konferans pou laprès nan palè nasyonal, prezidan Jovenel Moise presize espesyalis sa yo gen misyon pou evalye travay Lapolis la sitou sèvis sekirite prezidan an.
Chèf Leta raple depi aprè Lapolis la fin kreye espesyalis nan zafè sekirite sa yo toujou rantre nan peyi a pou vin fè menm travay la.
Kreyòl Enfo