Pòtoprens, madi 9 janvye 2019.- Youn nan pòt vwa Lapolis yo, Gary Desrosiers, konfime yo dekouvri pandan wikenn pase a plizyè kadav nan Savann Pistach, katye Kafoufèy, nan yon operasyon divès inite espesyalize te mennen nan zòn lan.
Daprè enfòmasyon kèk abitan Savann Pistach pataje ak Kreyòl Enfo, chèf gang moun konnen sou non ‘Tije’ ak ekip li touye epi depatcha ak kout manchèt plizyè sitwayen. Yon Sitiyasyon ki lakoz divès fanmi kouri kite zòn nan pou chape vi yo.
Gary Desrosiers ki konfime Lapolis arete plizyè sispèk bay garanti y ap travay pou retabli lapè nan Savann Pistach.
Kreyòl Enfo