Home Aktyalite Savann Pistach, bandi k ap fè lalwa boule kay plizyè polisye

Savann Pistach, bandi k ap fè lalwa boule kay plizyè polisye

by Kreyòl Enfo

PÒTOPRENS, 24 DESANM 2018 .-Bandi k ap koupe rache nan lokalite Savann Pistach, Pòtoprens, mete dife jodi lendi a (24) nan kay plizyè polisye ki abite nan zòn nan.

Enfòmasyon ki rive jwenn Kreyòl Enfo konfime nèg ak zam sou lòd chèf gang zòn nan moun konnen sou non ‘Tije’ pran kòm otaj manman youn nan polisye ki abite nan zòn nan avan yo boule kay li.

Sitwayen ki oblije kouri kite Savann Pistach di yo remake plizyè inite espesyalize nan Lapolis la ap eseye reprann kontwòl zòn nan. Men, zagoloray yo ki te boule komisarya a, ayè dimanch la, anpeche fòs lòd yo rive nan zòn ki pi malouk yo.

Tije ak ekip li pa sispann fè vyolans nan Savann pistach depi aprè lapolis te fin arete madanm li nan yon operasyon enstitisyon an te mennen samdi 22 desanm pase a.

KREYÒL ENFO

0 comment