San pale ak laprès, Martine Moise distriye jwèt nan vil Gonayiv

Gonayiv, 20 desanm 2018. – Madanm prezidan repiblik la, Martine Moïse, distribye, jedi 20 desanm nan, yon dividal jwèt bay timoun ki soti nan divès katye nan vil Gonayiv, depatman Latibonit, nan lokazyon fèt nwèl ak finisman lane a. Yon distribisyon madanm prezidan an fè san li pa rache yon mo ak laprès ki t ap eseye poze l divès kesyon.

Delege depatmantal Latibonit la, Herby Dalencourt, ki te prezan nan distribisyon sa felisite Laprezidans atravè biwo madan prezidan ki pran desizyon pou akonpanye timoun Gonayiv yo. Herby Dalencourt te pwofite anonse travay netwayaj pral kòmanse semèn k ap vini an pou pèmèt gran moun yo jwenn lajan pou pase fèt la.

Majistra Gonayiv la, Neil Latortue, te prezan nan aktivite sa tou.

rolguydocteur@gmail.com