Kreyòl Enfo, 14 avril 2019 .- Aprè yon sezon regilye chanje ak emosyon, seri playoffs yo demare, ayè samdi a (13), nan lig baskètbòl nò ameriken an (NBA). Pou premye fwa depi lane 2005, sipèsta NBA a, LeBron James k ap defann Los Angeles Lakers pap patisipe nan faz playoffs la. King James ki fè uit (8) final youn kole ak lòt pa rive kalifye LA ki sou branka depi plizyè lane.
Zetwal Houston Rockets la, James Harden, se jwè ki make plis pwen pandan sezon regilye a. Nèg bab la t ap woule ak yon mwayèn 36.1 nan chak match.
Milwaukee Bucks se pi gwo sipriz sezon an. Ak 60 viktwa , 22 defèt Bucks yo se ekip ki gen pi bon bilan sezon regilye a.
Rezilta premye jounen playoffs yo
– Brooklyn Nets 112 – 102 Philadelphia Sixers. D’Angelo Russell make 26 pwen ak 4 pas.
– Orlando Magic 104 -101 Toronto Raptors. DJ Augustin fè 25 pwen epi 6 pas.
Los Angeles Clippers 104 -121 Golden State Warriors. Stephen Curry make 38 pwen , 15 rebon ak 7 pas.
San Antonio Spurs 101- 96 Denver Nuggets. Demar Derozan make 18 pwen , 12 rebon ak 6 pas.
Yèswa , Stephen Curry pran tèt klasman jwè ki make plis 3 pwen nan zafè Playoffs (386). Li depase Ray Allen ( 385) ki te nimewo 1 nan egzèsis sa.
Mackenson Georges Forestal