Responsab komisarya Petyonvil la blese anba bal

Komisè Jean Gospel Monélus, chèf komisarya Petyonvil la resevwa yon katouch nan ponyèt, douvanjou madi 16 oktòb la, zòn Dèlma 95.

Ensidan sa rive pandan komisè ak ekip li t ap fè patwouy nan komin nan. Polisye yo ki te wè yon barikad nan lari a, te pwoche pou retire l. Se nan moman sa komisè Jean Gospel Monélus resevwa yon bal nan ponyèt dwat li.

Toutswit aprè, lòt polisye yo te kouri ak komisè a lopital kote yo retire katouch la nan ponyèt li.

Kreyòl Enfo