Home Lanmò Rèsponsab CIMO a mouri yèswa, 24 èd tan aprè rèsponsab Direksyon Sikilasyon ak Polis Woutyè a

Rèsponsab CIMO a mouri yèswa, 24 èd tan aprè rèsponsab Direksyon Sikilasyon ak Polis Woutyè a

by Kreyòl Enfo

Kreyòl Enfo, 2 jen 2020.- Rèsponsab Kò entèvansyon pou tabli lòd (CIMO, sig nan lang franse), Joël Gentillon mouri aswè lendi premye jen an. Enfòmansyon ki rive jwenn redakasyon Kreyòl Enfo (KE) presize chèf CIMO a rann dènye souf li pandan yo t ap transpòte l nan yon lopital kapital la.

Komisè Joël Gentillon (foto entènèt)

Komisè Joël Gentillon mouri anviwon 24 èd tan aprè rèsponsab Direksyon Sikilasyon ak Polis Woutyè a, Carmel Florent, te fin pèdi lavi l nan lanwit 31 me 2020 an. De (2) komisè yo mouri aprè yo te fin santi yon malèz ak gwo pwoblèm pou rèspire.

Ofisyèlman, rèsponsab lapolis yo poko presize rezon ki eksplike 2 komisè mouri britsoukou nan mwens pase 2 jou. Toutfwa, gen tès ki pral fèt sou kadav yo pou detèmine si se epidemi kovid-19 la ki wete lavi rèsponsab Direksyon Sikilasyon ak Polis Woutyè a ansanm ak chèf CIMO a.

Kreyòl Enfo

0 comment