Home Entènasyonal Repiblik Dominikèn : 20 moun deja mouri ak nouvo kowonaviris la

Repiblik Dominikèn : 20 moun deja mouri ak nouvo kowonaviris la

by Kreyòl Enfo

Kreyòl Enfo, 27 mas 2020 .- Minis sante piblik dominiken an, Rafael Sanchez Cárdenas, anonse jodi vandredi a (27) kantite moun ki mouri ak kovid-19 yo ogmante rive 20. Li presize majorite moun ki mouri yo te deja ap soufri ak lòt maladi tankou sik, opresyon, enfeksyon nan poumon elatriye.

Rafael Sanchez Cárdenas konfime tou gen 581 moun ki kontamine ak viris la. Pami moun ki enfekte yo gen 12 pwofesyonèl lasante.

Pwovens Duarte se rejyon nouvo kowonaviris la plis touche. 12 pami 20 moun ki mouri yo soti Duarte. Distrito Nacional, Santiago ak Santo Domingo se lòt zòn kote nouvo kowonaviris la gentan fè viktim.

Kreyòl Enfo

0 comment