Randevou kase 14 avril pou dènye sezon《Games of Throne》

Nouyòk, 15 janvye 2019 .- Uityèm epi dènye sezon seri《Games of Thrones》nan ap kòmanse 14 avril, daprè sa HBO anonse dimanch pase a. Nan yon ti bout videyo anons yo devwale dimanch la, nou remake Arya Stark (Maisie Williams), Sansa Stark ( Sophie Turner ) ak Jon Snow (Kit Harington) ki Winterfell.

Pou plezi fanatik yo, reyalitè Game of Thrones nan anonse, nan dènye seri a, chak epizòd yo ap tankou yon fim.

GOT ki gen rasin li nan roman George RR Martin yo se youn nan seri ki plis reyisi nan HBO.

Bout videyo ki anonse uityèm sezon an deja rekòlte pase 15 milyon ‘views’ sou YouTube pandan sèlman 3 jou.

Kreyòl Enfo