Kreyòl Enfo, 29 jen 2020.- Sitiyasyon tansyon nan zòn Jivena (Petyonvi), maten lendi 29 jen an, kote kawoutchou ap boule epi wòch ap voye nan tout direksyon. Yon gwoup sitwayen nan zòn nan itilize kakas machin ak lòt bout fè pou bloke lari a.
Daprè Enfòmasyon kèk sitwayen pataje ak redaksyon Kreyòl Enfo (KE), sitiyasyon latwoublay sa eklate aprè yon polisye ta tite yon jèn gason nan zòn nan moun plis konnen sou Rochima yèswa dimanch la pandan li ta pral nan yon fèt. (8:15) Kadav viktim nan te toujou lonje atè a.
Okenn machin paka travèse Jivena pou ale Petyonvil oubyen rantre nan komin Pòtoprens akoz mouvman pwotestasyon sa. Polisye nan plizyè inite ki kanpe nan zòn kote pwotèstatè yo bloke lari a ap tante diskite ak sitwayen sa yo.
Kreyòl Enfo