Home Aktyalite Pwosè Clifford Brandt ak akolit li yo ranvwaye pou 26 mas

Pwosè Clifford Brandt ak akolit li yo ranvwaye pou 26 mas

by Kreyòl Enfo

Kreyòl Enfo, 21 mas 2019 .- Aprè 2 seyans youn kole ak lòt, dwayen tribinal kriminèl Gonayiv la, Mèt Denis Pierre-Michel, ranvwaye pwosè Clifford Brandt ak akolit yo pou madi 26 mas k ap vini la a.

Pandan odyans ayè mèkredi a, avoka Clifford Brandt yo prezante kliyan uo kòm moun ki t ap soufri ak yon pwoblèm mantal nan moman li te fè kidnape pitit Moscosso yo.

Youn nan avoka Clifford Brandt yo, Mèt Marc-Antoine Saint-Vil, di li menm ak kòlèg li yo ap tann entèvansyon ministè piblik pral fè sou pwoblèm mantal yo avanse a. Si prezidan tribinal la konsidere demand konsèy defans la, Mèt Saint-Vil kwè Clifford Brandt kapab rejwenn libète li, daprè lwa Lespinas la.

Jij Denis Pierre-Michel anonse, lè pwosè a reprann, avoka lòt akize yo ap gen posibilite pou defann kliyan yo.

Docteur Rolguy

0 comment