Home Aktyalite Prezidan Jovenel Moïse kondane lanmò jounalis Rospide Pétion

Prezidan Jovenel Moïse kondane lanmò jounalis Rospide Pétion

by Kreyòl Enfo

Kreyòl Enfo, 11 jen 2019.- Prezidan Repiblik la, Jovenel Moïse kondane krim ki fèt yèswa (lendi 10 jen) kont jounalis Radyo san fen (RSF), Rospide Pétion, pandan l ap rantre lakay li nan zòn Pòtay Leyogàn (Pòtoprens).

Nan yon mesaj li pibliye sou Twitter, Chèf Leta a voye senpati li bay tout fanmi, zanmi jounalis la ansanm ak ansyen kolaboratè li yo nan RSF.

Plizyè òganizasyon k ap defann dwa moun deja kondane zak sasinay sa yo konsidere tankou yon menas pou demokrasi a.

Dapre Israël Jacky Cantave, youn nan kolaboratè viktim nan, Rospide Pétion te responsab sekirite ak lojistik nan RSF epi li te konn anime emisyon ki rele Ti bat bouch sou radyo a.

Kreyòl Enfo

0 comment