Prezidan Cantave envite tout senatè nan palman an demen lendi a, depi sizè nan maten

Kreyòl Enfo, 17 mas 2019 .- Prezidan Sena a Carl Murat Cantave, mande tout senatè prezante nan lokal palman an, demen lendi a depi sizè (6:00) nan maten, pou fin prepare seyans entèpelasyon Premye minis Jean Henry Céant, minis jistis la ak minis enteryè a.

Biwo kominikasyon Sena Repiblik la anonse seyans la ap demare bò uitè (8:00) nan maten. Pòt palman an ap louvri depi setè (7:00) pou tout jounalis ki ta renmen kouvri seyans sa.

Chanm depite a entèpele tout gouvènman an tou pou demen lendi.

Kreyòl Enfo