Home Aktyalite Premye minis Jouthe pase lòd pou “tout moun mete mask depi semèn k ap vini an”

Premye minis Jouthe pase lòd pou “tout moun mete mask depi semèn k ap vini an”

by Kreyòl Enfo

Kreyòl Enfo, 30 mas 2020 .- Nouvo kowonaviris la ap fè ravaj nan tout mond la. Ayiti, 15 moun deja kontamine ofisyèlman ak viris la, daprè otorite lasante yo.

Pou kontrekare pandemi an, Premye minis ayisyen, Joseph Jouthe, deklare jodi lendi a « se yon obligasyon pou tout moun mete mask depi nan kòmansman semèn k ap vini an ». Premye minis la presize gouvènman pral distribiye mask gratis bay popilasyon an.

Leta Ayisyen kòmande materyèl pou 18 milyon dola vèt nan peyi Lachin, daprè chèf gouvènman an. Pami materyèl sa yo gen aparèy rèspiratwa, gan, mask KN 95, ak lòt ekipman.

Yon premye pati nan materyèl sa yo ta dwe rive nan peyi a 10 avril k ap vini la a.

Kreyòl Enfo

0 comment