Premye minis Jean Henry Céant kontinye mande dyalòg nan mitan tout sektè pou rezoud kriz la

Pòtoprens, dimanch 25 novanm 2018.- Aprè prezidan Repiblik la senmenn pase a, Premye minis Jean Henry Céant pale ak nasyon an ayè samdi 24 novanm nan.

Nan yon mesaj anrejistre ki pase sou televizyon Leta a, Jean Henry Céant envite tout sektè nan sosyete a vin diskite ak ekip ki sou pouvwa a yon fason pou jwenn yon solisyon nan kriz peyi a ap travèse jounen jodi a.

Chèf gouvènman an raple enpòtans dyalòg genyen sitou nan sitiyasyon latwoublay. Notè Céant kwè se sèl mwayen ki ka anpeche vyolans ak zak kraze brize nan peyi a.

Premye minis Jean Henry Céant anonse gouvènman an ap pran tout dispozisyon pou timoun ale lekòl epi pèmèt tout aktivite komèsyal ak transpò piblik fonksyone nòmalman demen lendi a.