Premye bilan Lapolis : 6 moun mouri, 5 lòt blese epi 23 arestasyon

Pòt vwa lapolis la Michel-Ange Louis-Jeune bay premye bilan moun otorite yo konte ki viktim pandan jounen manifestasyon jeneral 18 novanm 2018 la. Komisè divizyonè a presize lapolis konte 6 moun ki mouri,5 blese epi 23 lòt jwenn arèstasyon yo nan tout peyi a.Anpil kout zam kontinye ap chante nan kapital la ak vil ki nan zanviwon yo. 3 000 polisye deplòtonnen nan kapital la pou garanti sekirite byen ak lavi moun pandan jounen 18 novanm sa.