Kreyòl Enfo, 25 jen 2020.- Mouvman patriyotik opozisyon demokratik (MOPOD) denonse yon plan li di pouvwa genyen pou mete gang ak zam nan tout katye popilè yo epi fòse popilasyon an rete bèkèkè malgre tout move aksyon dirijan yo.
Youn nan responsab MOPOD yo salye rapò Rezo nasyonal defans dwa moun yo (RNDDH) ak Fondasyon Je Klere sou gang ak zam k ap travay pou pouvwa nan divès rejyon nan peyi a. Pati politik nan opozisyon an denonse « endiferans » reprezantan Core Group ak lòt aktè entènasyonal ki nan peyi a fas ak sa yo rele debandad ekip Tèt Kale a.
Komisè gouvènman Pòtoprens la, Mèt Jacques Lafontant, voye akizasyon sa yo jete byenlwen. Chèf pakè a kritike òganizasyon k ap defann dwa moun yo li di k ap defann bandi yo chak fwa gouvènman vle detwi yo.
Plizyè pati politik mande popilasyon an revòlte pou derasinen Tèt Kale a nan tèt peyi a.
Kreyòl Enfo