Pou《evite katchouboumbe》nan peyi a, yon gwoup senatè ak depite egzije demisyon Jovenel Moise

Kreyòl Enfo, 11 fevriye 2019 .- Plizyè senatè ak depite ki pwòch opozisyon an pibliye yon nòt pou laprès, jodi lendi a, pou apiye tout mouvman pwotestasyon k ap egzije demisyon Jovenel Moise nan tèt pouvwa a.

Nan nòt sa, palmantè ki siyen yo denonse konpòtman sankoutcha chef Leta a ki, daprè yo, reprezante yon menas pou peyi a. Yo akize prezidan an kòm otorite ki vyole sèman li te prete sou konstitisyon an devan palman an.

Youri Latortue, Jean Mary Junior Salomon, Jacques Sauveur Jean, Ricard Pierre, Evalliere Beauplan, Antonio « Don Kto » Cheramy, Nenel Cassy se non senatè ki siyen nòt sa. Sèz (16) depite ki nan opozisyon an siyen nòt sa tou.

Kreyòl Enfo