Jovenel Moise
Kreyòl Enfo, 18 fevriye 2021.- Pwosè senbolik Jovenel Moise ki fè dappiyanp sou pouvwa a depi 7 fevriye 2021 ap fèt demen vandredi a nan Pòtoprens. Prezidan konteste a gen divès akizasyon k ap peze sou do l tankou vyolasyon konstitisyon ak dwa moun, kòripsyon, asosyasyon malfektè. Divès sektè denonse Jovenel Moise tou kòm moun k ap kraze enstitisyon Leta yo.
Pwosè senbolik sa se yon inisyativ « N ap Mache Pou Lavi » ki gen ladan l plizyè òganizasyon nan sosyete sivil la ak sendika. Yon inisyativ ki rantre nan kad estrateji pou mete plis gaz nan mobilizasyon kont diktati nan peyi a.
Òganizasyon tankou MOLEGHAF, Unnoh ak lòt asosyasyon etidyan nan Inivèsite Leta Ayiti a lanse 3 jounen mobilizasyon kont Jovenel Moise nan tout peyi a. Vandredi, dimanch ak lendi ta dwe manifestasyon kont Jovenel Moise nan tout peyi a.
Kreyòl Enfo