Home Aktyalite Pòtoprens, plizyè antrepriz prive ak enstitisyon piblik zakaje

Pòtoprens, plizyè antrepriz prive ak enstitisyon piblik zakaje

by Kreyòl Enfo

Kreyòl Enfo, 10 fevriye 2019 .- Kapital la konnen, jodi dimanch la, yon katriyèm jounen latwoublay kote popilasyon an pran lari kont lamizè, grangou ansanm ak pouvwa Tèt Kale a. Manifestan yo zakaje divès antrepriz prive epi mete dife nan plizyè ponp gaz ak lòt enstitisyon piblik kapital la.

Nan avni John Brown (Lali), pwotestatè yo piye yon gwo depo kote yo vann pwodwi pou moun manje tankou diri, pwa ak lwil. Manifestan yo tante mete dife tou nan biwo Ofis Pwoteksyon Sitwayen (OPC). Lapolis ki te gentan rive te pran kontwòl sitiyasyon an. Plizyè machin pase anba flanm dife.

Anba lavil la, yon gwoup jèn gason mete dife nan yon bank komèsyal. Plizyè ponp gaz boule rapyetè nan kapital la.

Nan moman n ap ekri tèks la ( 5:15), toujou genyen manifestasyon nan lari Pòtoprens.

Kreyòl Enfo

0 comment