Home Aktyalite Pòtoprens : kowonaviris touye yon jèn gason 18 lane

Pòtoprens : kowonaviris touye yon jèn gason 18 lane

by Kreyòl Enfo

Kreyòl Enfo, 24 avril 2020 .- Ministè Sante Piblik ak Popilasyon ( MSPP) konfime aswè vandredi a nouvo kowonaviris la touye yon 6e moun nan peyi a. Viktim nan ki te gen 18 lane t ap viv nan komin Pòtoprens, depatman lwès.

Nan yon avi ki pote nimewo 27, Ministè Sante Piblik presize jèn ki mouri a te deja ap soufri ak yon enfeksyon nan sèvo epi li te vin gen gwo pwoblèm pou l respire. Li pase plizyè jou nan koma avan li rann dènye souf li. Viktim nan te pami 72 moun epidemi an gentan kontamine nan peyi a.

Rèsponsab lasante yo ki wete chapo pou salye memwa jèn kovid-19 fenk pote ale a pwofite mande popilasyon swiv tout prensip ijyèn yo.

Direktè laboratwa nasyonal epi kòdonatè selil syantifik la, Doktè Patrick Delly, prevwa Ayiti ka konte pase 20 000 kadav pandan epidemi an si mezi ijyèn ak sekirite yo pa rèspekte.

Kreyòl Enfo

0 comment