Home Aktyalite Pòtoprens cho : Roberto Baggio Thelusma, 14 lane, mouri anba bal devan lopital jeneral

Pòtoprens cho : Roberto Baggio Thelusma, 14 lane, mouri anba bal devan lopital jeneral

by Kreyòl Enfo

Kreyòl Enfo, 19 fevriye 2019 .- Yon van tristès soufle sou kapital la aprè nouvèl lanmò Roberto Baggio Thelusma, aprè midi samdi 9 fevriye 2019 la.

Daprè enfòmasyon ki rive jwenn Kreyòl Enfo, jèn gason sa ki gen 14 lane viktim anba bal pandan li t ap kouri retire komès manman l devan lopital jeneral.

Manman Roberto ki pat ka konsole di se lapolis ki tire pitit gason l lan. Imaj manman ki chita ak dlo nan je sou pitit la pa sispann fè laviwonn rezo sosyal yo.

Sitiyasyon an dejenere nan kapital la depi nan mitan jounen an toujou nan kad pwotestasyon pou egzije Jovenel Moise kite pouvwa a.

Kreyòl Enfo

0 comment