Kreyòl Enfo, 8 me 2020 .- Endividi otorite yo poko idantifye touye anba bal, maten vandredi a (8), yon jèn gason nan rivyèl Rivyè, komin Pòtoprens, daprè enfòmasyon Kreyòl Enfo konfime.
Kèk temwen rapòte bandi yo bay viktim nan plizyè katouch pandan li te anndan machin li ansanm ak yon dam ki li menm pa blese. Aprè krim nan, bandi yo vire do ale san okenn enkyetid, toujou daprè temwen an.
Nan moman an (12:15), kadav viktim nan toujou blayi atè nan lari a. Plizyè ajan polis nasyonal la prezan ap tann yon jij depè pou vin fè konsta legal yo avan yo leve kadav la.
Machin ensekirite a kontinye ap simen dèy nan zòn metwopolitèn Pòtoprens la malgre divès gwo deklarasyon otorite yo fè pou mande bandi yo depoze zam si yo pa vle mouri.
Kreyòl Enfo