Home Aktyalite Pòdepè : Kowonaviris fèmen pòt direksyon depatmantal sante a

Pòdepè : Kowonaviris fèmen pòt direksyon depatmantal sante a

by Kreyòl Enfo

Kreyòl Enfo, 21 me 2020 .- Depi ayè mèkredi a, pòt biwo direksyon depatmantal sante Nòdwès la fèmen. Rèsponsab yo pran desizyon sa aprè otorite lasante yo te fin konfime gen yon anplwaye biwo a ki kontamine ak nouvo kowonaviris la.

Direktè depatmantal sante Nòdwès la, Doktè Tony Monestime, fè konnen tout moun ki te gen kontak ak anplwaye ki kontamine deja nan karantèn. Li presize sou 35 moun yo te sispèk nan depatman an gen rezilta egzamen 10 ki pozitif.

Doktè Tony Monestime mande tout moun k ap viv nan depatman Nòdwès la rèspekte prensip ijyèn ak sekirite yo pou anpeche maladi a gaye pi plis toujou nan depatman an. Li siyale pwoblèm enfrastrikti sanitè ak pwofesyonèl lasante ki manke nan Nòdwès pou pèmèt yo kontrekare Pandemi an.

Kreyòl Enfo

0 comment