Kreyòl Enfo, 12 fevriye 2021.- Pou pi piti senk (5) moun mouri nan yon aksidan machin aprè midi vandredi a (12) zòn mòn kayo, sou wout Pòdepè (Nodwès). Twa pami viktim yo peri nan moman aksidan an, lòt de yo rann dènye souf yo sou kabann lopital.
Enfòmasyon ki rive jwenn redaksyon Kreyòl Enfo (KE) konfime aksidan sa a rive aprè yon kamyon te fin pèdi Fren epi al frape yon machin Elektrisite Ayiti (EDH, sig nan lang franse) avan li chavire sou yon kamyonèt. Kamyon EDH la t ap transpòte poto limyè pou al mete Pòdepè nan kad aktivite kanaval.
Plizyè moun soti blese tou pandan aksidan sa.
Kreyòl Enfo
