Peyi a cho, 3 pouvwa Leta yo rankontre pou chèche solisyon

Pòtoprens, lendi 19 novanm.- Reprezantan 3 pouvwa Leta yo chita pale, lendi 19 novanm nan, sou sitiyasyon malouk peyi a ap travèse dènye jou sa yo.

Chèf Leta a, Jovenel Moise, premye minis, Jean Henry Céant, prezidan sena a, Joseph Lambert, prezidan chanm depite a, Gary Bodeau ak prezidan Lakou kasasyon an, mèt Jules Cantave tonbe dakò nan finisman rankont la pou Egzekitif la kontinye twoke lide ak tout fòs viv nasyon an. Otorite yo antann yo pou :

➡ Dminye ensekirite k ap vale tèren nan sosyete a;

➡Ranfòse pwogram sosyal yo.

Reprezantan 3 pouvwa yo tonbe dakò tou pou devlope yon rapò bon zanmi nan mitan yo yon fason pou Leta kapab fonksone pi byen.