Home Aktyalite Petyonvil : yon moun mouri ak plizyè lòt blese nan yon aksidan machin

Petyonvil : yon moun mouri ak plizyè lòt blese nan yon aksidan machin

by Kreyòl Enfo

Kreyòl Enfo, 15 septanm 2020.- pou pi piti yon moun mouri ak anpil lòt soti blese nan yon aksidan machin, aprè midi madi a (15), nan komin Petyonvil. Machin ki fè aksidan an chavire kat kawoutchou anlè.

Daprè enfòmasyon redaksyon Kreyòl Enfo (KE) konfime, aksidan sa rive aprè yon machin transpò piblik te pèdi fren epi al bwote yon gwoup moun ki te kanpe nan kalfou ri Gregwa ak Dagen, toupre ansyen lokal Direksyon jeneral polis nasyonal Ayiti a.

Poko gen twòp detay sou idantite moun ki mouri a. Sèvis anbilans deja transpòte blese yo pou al resevwa laswenyay nan divès lopital nan zòn metwopolitèn Pòtoprens la.

Kreyòl Enfo

0 comment