Petyonvil,mèkredi 9 janvye 2019.- De (2) moun blese anba bal pami yo yon polisye nan komin Petyonvil, aprè midi mèkredi a, pandan yon gwoup bandi t ap eseye piye yon ti bis k ap travay pou otèl Royal Oasis t ap soti labank.
Daprè enfòmasyon kèk temwen pataje ak Kreyòl Enfo se pandan yon gwoup nèg ak zam t ap fouye moun ki nan machin nan polisye yo parèt epi kòmanse boukante kout zam ak bandi yo.
» Nan boukante kout zam yon polisye ak yon kliyan otèl la soti blese », daprè presizyon temwen an.
Bandi yo ki te gen gwo zam fann fwa rive chape poul yo san lapolis pa arete youn menm.
Kreyòl Enfo