Home Aktyalite PetwoKaribe : sou lòd doktè, gwoup sitwayen ki t ap fè grèv grangou devan pakè Pòtoprens la rantre lakay yo

PetwoKaribe : sou lòd doktè, gwoup sitwayen ki t ap fè grèv grangou devan pakè Pòtoprens la rantre lakay yo

by Kreyòl Enfo

Pòtoprens, 12 janvye 2019 .- gwoup sitwayen ki t ap fè grèv grangou devan pakè a pou egzije Lajistis fè limyè sou dosye Petwokaribe a rantre lakay yo aprè midi vandredi 11 janvye a.

Mèt André Michel ki konfime enfòmasyon an fè kwè se doktè Jean Marie Christalin, aprè konsiltasyon, ki mande sitwayen yo mete bout nan grèv la akoz yo te kòmanse tonbe malad.

Doktè Jean Marie Christalin ta eksplike sitiyasyon sante grevis yo ta pral konplike anpil si yo te kontinye rete san manje.

Depi mèkredi 9 janvye pase a, yon gwoup sitwayen ki pote yo pati sivil nan dosye Petwokaribe a te tanmen yon grèv grangou devan lokal ministè jistis la yon mannyè pou pwoteste kont jij enstriksyon Ramoncithe Accimé yo di ki pa fè anyen pou avanse ak dosye a.

Kreyòl Enfo

0 comment