Home Aktyalite Oreste Morin (Mèt Morin), direktè enfòmasyon Zénith FM, viktim nan yon aksidan machin

Oreste Morin (Mèt Morin), direktè enfòmasyon Zénith FM, viktim nan yon aksidan machin

by Kreyòl Enfo

Kreyòl Enfo, 10 avril 2020 .- Prezantatè emisyon Chita Tande sou radyo Zénith FM, Oreste Morin moun plis konnen sou non Mèt Morin fè yon aksidan machin, jodi vendredi a (10), sou wout ki mennen nan ayewopò entènasyonal Tousen Louvèti a.

Enfòmasyon Osnel Jean Baptiste, kolaboratè Mèt Morin, pataje sou fesbouk presize se yon kamyon ki rantre sou machin direktè enfòmasyon radyo Zénith la. Osnel Jean Baptiste rasire tout moun « Mèt Morin, madanm li, pitit li ak chofè l frape men yo vivan ».

Kreyòl Enfo rele nan telefòn radyo Zénith plizyè fwa pou pran nouvèl ak detay sou sante komantatè politik la, okenn moun pat janm reponn.

Oreste Morin k ap dirije sal nouvèl Zénith FM nan pa janm kache dezakò li ak ekip Tèt Kale a. Pwogramasyon radyo Zénith kanpe depi aprè lanmò britsoukou Rony Colin Junior, pitit gason pwopriyetè radyo a Rony Colin, nan peyi Etazini mwa pase a.

Kreyòl Enfo

0 comment