Kreyòl Enfo, 12 mas 2019 .- Sektè Demokratik Popilè a anonse, ayè madi a, plizyè rankont ak reprezantan diferan sektè nan peyi a pou mete gaz nan motè mobilizasyon kont pouvwa Tèt Kale a.
Yon nan pòt vwa sektè a, André Michel, di soti 11 pou rive 16 mas se yon semèn konsètasyon. Depi jodi mèkredi 13 mas la, Sektè Demokratik Popilè a pral rankontre ak reprezantan pati Ayiti An Aksyon (AAA), ansyen sekretè jeneral RDNP a, Mirlande Manigat, ansanm ak reprezantan Relijyon pou lapè.
Rankont sa yo pap vize sèlman retire Jovenel Moise sou pouvwa men tou jwenn yon altènativ pou mete peyi a sou chimen devlòpman, daprè mèt André Michel.
Opozisyon an kontinye denonse lamizè ak kòripsyon k ap ki genyen nan pouvwa Tèt Kale a.
Kreyòl Enfo