Home Aktyalite Okap : yon kamyon gaz eksploze, plis pase 60 moun mouri

Okap : yon kamyon gaz eksploze, plis pase 60 moun mouri

by Kreyòl Enfo

Kreyòl Enfo,14 desanm 2021.- Plis pase 60 moun mouri boule nan vil Okap nan lanwit lendi 13 pou louvri madi 14 desanm 2021 an pandan eksplozyon yon kamyon sitèn ki t ap ttranspòte gaz. Plizyè  dizèn moun blese epi plizyè kay boule tou pandan dram sa.

Enfòmasyon otorite nan dezyèm vil peyi a pataje ak redaksyon Kreyòl Enfo (KE) konfime dram sa pase pandan abitan nan zòn nan t ap tante pran gaz nan kamyon sitèn aprè li te fin chavire nan lokalite Lafòsèt.

Moun ki blese yo ap resevwa laswenyay nan plizyè lopital nan depatman Nò. Rèsponsab lasante yo raple pa gen ase ekipman nan depatman an pou pèmèt yo pran swen tout moun ki blese yo.

Premye minis Ariel Henry voye senpati li bay tout moun ki gen fanmi yo viktim nan trajedi sa.

Kreyòl Enfo

0 comment