Home Aktyalite Ofisyèl : Lakou dèkont remèt Sena Repiblik la yon premye rapò ankèt sou dosye PetwoKaribe a

Ofisyèl : Lakou dèkont remèt Sena Repiblik la yon premye rapò ankèt sou dosye PetwoKaribe a

by Kreyòl Enfo

Pòtoprens, 31 janvye 2019 .- Prezidan Lakou dèkont la (CSA/CA), Volmar Desmesyeux, nan tèt yon delegasyon remèt, aprè midi jedi a (31), yon premye rapò sou ankèt yo t ap mennen sou pwogram PetwoKaribe a, pandan yon seyans espesyal nan Sena Repiblik la.

Mesye Desmesyeux eksplike travay la poko fini akoz yo pat resevwa enfòmasyon ki soti nan plizyè enstitisyon ki pat kolabore avèk Lakou a. Patwon CSC/CA pwomèt yon rapò konplè, nan jou k ap vini la yo.

Prezidan Sena a, Carl Murat Cantave ki salye travay jij Lakou dèkont yo anonse tout dispozisyon ap pran nan palman pou pèmèt moun ki mele nan gagote lajan PetwoKaribe yo reponn kesyon lajistis.

Kreyòl Enfo

0 comment