Home politik OEA pran pozisyon nan deba sou manda prezidan Jovenel Moise la

OEA pran pozisyon nan deba sou manda prezidan Jovenel Moise la

by Kreyòl Enfo

Kreyòl Enfo 29 me 2020.-
Òganizasyon Eta Amerik yo (OEA) pran pozisyon jodi a pou prezidan Jovenel Moise nan deba k ap fèt depi kèk jou konsènan dat manda l ap fini nan tèt peyi a. Òganizasyon an pran pozisyon sa kèk èd tan sèlman aprè sekretè jeneral la, Luis Almagro, te fin diskite ak minis afè etranjè ayisyen an Doktè Claude Joseph.

Sekretè jeneral OEA a Luis Almagro

Pou Luis Almagro, «manda prezidan Jovenel Moise ap bout 7 fevriye 2022». Nan yon deklarasyon li pibliye sou sit entènèt òganizasyon an jodi vandredi a, diplomat la ki di l ap swiv evolisyon sitiyasyon an Ayiti fè konnen OEA pare pou travay ak tout aktè politik yo pou chèche yon pi bon solisyon pou pèp ayisyen an».

Òganizasyon Eta Ameriken yo pran pozisyon sa nan moman gwo deba ap fèt nan mitan klas politik ak lòt sektè nan peyi pou konnen si Jovenel Moise ap kite pouvwa a 7 fevriye 2021 oubyen 7 fevriye 2022.

Kreyòl Enfo

0 comment