Kreyòl Enfo, 23 jen 2020.- Jwè tenis nimewo 1 nan klasman ATP a, Novak Djokovic, anonse jodi madi a li kontamine ak nouvo kowonaviris la. Sèb la se katriyèm atlèt ki te patisipe nan « Adria Tour » a – tounwa Novak Djokovic menm te òganize – viris la enfekte.
Anpil fanatik tenis ak espò nan mond la pa kache desepsyon yo pou konpòtman Djokovic nan mitan pandemi kovid-19 la. « Adria Tour » a te oblije kanpe akoz plizyè atlèt te kontamine pandan konpetisyon an.
Pou kounye a, Novak Djokovic ap pase peryòd karantèn nan lakay li. Jwè tenis la pa santi okenn sentom.
Kreyòl Enfo