Home Aktyalite Nòdès : 700 goud pou yon galon gazolin

Nòdès : 700 goud pou yon galon gazolin

by Kreyòl Enfo

Wanament, 22 janvye 2019 .- Abitan nan depatman nòdès ap monte yon maswife akoz gaz ki pa genyen nan ponp yo. Depi ayè lendi a, abitan nan vil Wanament te bezwen nenpòt 700 goud pou peye yon galon gaz.

Yon sitwayen nan komin Ferye Kreyòl Enfo (KE) te kontakte nan telefòn rakonte  » se Sendomeng anpil moun oblije travèse pou achte yon ti gaz, malgre gwad (sòlda) dominiken ap plede kouri dèyè yo. »

Akoz ogmantasyon pri gazolin nan, pri tout kous machin ak moto nan depatman an double. Galon gazolin moun ap peye 700 goud jodi a te konn vann 224 goud nan ponp yo.

Malgre direktè BMPAD la, Fils Aimé Ignace Saint Fleur te anonse 2 bato gaz rantre nan peyi a depi semèn pase a, pwoblèm gaz la toujou ap pèsiste nan plizyè rejyon.

Kreyòl Enfo

0 comment