Kreyòl Enfo, 18 novanm 2019 .- 3 viktwa pou zero defèt se bilan Orlando Magic soti 11 pou rive 18 novanm . Magic yo reyisi bon pèfòmans sa gras ak Nikola Vucevic ki fini meyè jwè konferans lès la pou semèn pase a. Pandan peryòd sa, Montenegren an woule ak yon mwayèn 21.7 pwen, 14 rebon ak 4 pas nan chak match.
Nan konferans lwès la, se James Harden ki fè lalwa pandan semèn pase a pou yon dezyèm fwa youn kole ak lòt. Gras ak yon mwayèn 44.8 pwen ak 5.8 rebon epi 6.8 pas nan chak match, James Harden pèmèt Houston Rockets fè 4 viktwa sou 4 match li jwe pandan peryòd sa .Harden ranpòte twofe pi bon jwè pandan semèn nan pou yon 24e fwa.
Kreyòl Enfo