Home Espò NFL : Chif enpòtan sou 53e Superbowl la

NFL : Chif enpòtan sou 53e Superbowl la

by Kreyòl Enfo

Kreyòl Enfo, 3 fevriye 2019 .- Final foutbòl zepòl kare aswè dimanch la kote New England Patriots pral twoke kòn li ak Los Angeles Rams bat plizyè rekò nan zafè evènman espòtif nan mond la. Kreyòl Enfo rasanble kèk chif pou pèmèt ou pi byen konprann evènman sa.

➡Pou yon moun asiste 53e Superbowl la (Final foutbòl ameriken) k ap dewoule nan Mercedes-Benz Stadium nan, Atlanta, w ap bezwen pou pi piti 7 166 dola vèt.

➡ 103 milyon, se kantite moun k ap chita devan televizyon gade match sa.

➡ 174 666 dola ameriken, se lajan w ap bezwen pouw fè pase yon segond piblisite. Yon espòt piblisite ki dire 30 segond pandan evènman an ap 5,24 milyon dola.

➡ 1,38 milya zèl poul  » Chicken Wings » ap koupe nan asyèt pandan sware a.

➡ 51,7 milyon kès byè ta dwe vann jodi dimanch la nan peyi Etazini.

➡ 22,5 milyon se kantite lajan jwè ki pi byen touche sou tèren an ( Aaron Donald) resevwa chak ane, tandiske vedèt NFL la Tom Brady, gen yon 15 milyon dola vèt.

➡ 6 milya dola ameriken parye sou match aswè a sèlman nan peyi Etazini.

Kreyòl Enfo

0 comment