Home Espò NBA : yon chòk nan vil Los Angeles pou demare sezon 2019-2020 an

NBA : yon chòk nan vil Los Angeles pou demare sezon 2019-2020 an

by Kreyòl Enfo

Kreyòl Enfo, 22 oktòb 2019 .- Aprè plizyè mwa vakans, chanpyona baskètbòl ameriken an (NBA) ap redemare jodi madi a. Sezon 2019 – 2020 la ap demare san alman Dirk Nowitzki, sipèsta Heat yo, Dwayne Wade ak fransè Tony Parker. Twa (3) gran chanpyon ki pran retrèt yo nan lig la.

Toronto Raptors ki te genyen tit la sezon pase a pèdi vedèt yo Kawhi Léonard ki al fòme yon « duo » ak Paul George nan Los Angeles Clippers. Ekip Doc Rivers ap dirije a se youn nan gwo kandida pou ranpòte NBA a.

Brooklyn Nets ki rache Kevin Durant nan men Warriors yo se yon lòt gwo favori pou ranpòte tit la. Nets yo siyen tou ansanm ak Kyrie Irving ki t ap jwe nan Boston Celtics.

LeBron James ak Anthony Davis pral tante remete Los Angeles Lakers nan premye liy baskètbòl ameriken an. Malgre anpil lòt ekip t ap fèl zye dou, Davis aksèpte vil zepole LeBron James nan misyon sa.

Toronto Raptors, Houston Rockets, Golden State Warriors, Milwaukee Bucks ak Boston Celtics se kèk pami lòt ekip fanatik baskèt yo bezwen swiv ak anpil atansyon pandan sezon an.

Pwogramasyon pou aswè madi a :

Toronto Raptors vs New Orleans Pélicans (8tè)

Los Angeles Clippers vs Los Angeles Lakers (10:30zè).

Kreyòl Enfo

0 comment