Home Espò NBA : tout detay sou wikenn All star a

NBA : tout detay sou wikenn All star a

by Kreyòl Enfo

Kreyòl Enfo, 16 fevriye 2019 .- Tout zye fikse sou vil Chalòt ( North Carolina), wikenn sa nan lokazyon 68è edisyon All star game nan.

Evènman espòtif sa ki fèt chak ane nan peyi Etazini ap dewoule soti 15 pou rive 17 fevriye 2019 la.

Pwogramasyon an te demare ayè vandredi a kote dirijan NBA yo anonse non kèk pèsonalite ki te make lig nan lis « Hall of fame ». Chris Webber ak Ben Wallace se 2 pami pèsonaj lig la distenge.

Konkou donk (dunk) lan ap gen patisipasyon Miles Bridges (Chalòt), John Collins(Atlanta), Hamidou Diallo(OKC), Dennis Smith Jr (New York). Stephen Curry (Golden State) ak Dirk Nowitzky (Dallas) pral pami gwo vedèt konkou 3 pwen an k’ap dewoule jodi samdi a bò 8h nan a swè.

Nan dimanch se match zetwal yo kap demare bò 8h nan a swè kote Team (ekip ( LeBron pral twoke kòn li ak Team (ekip) Antetokoumpo .

Lebron James ap ka konte sou Kevin Durant(Golden),Kyrie Irving(Boston),Kawhi Leonard(Toronto), James Harden pou n site sa yo sèlman, alòske Giannis ap gen bò kote Stephen Curry (Golden State), Joel Embiid (Philadelphia), Paul George (OkC) ak Kemba Walker (Charlotte).

Kreyòl Enfo

0 comment