Home Espò NBA All Star 2019 : Joe Harris bat Stephen Curry epi ranpòte konkou 3 pwen an

NBA All Star 2019 : Joe Harris bat Stephen Curry epi ranpòte konkou 3 pwen an

by Kreyòl Enfo

Kreyòl Enfo, 17 fevriye 2017.- Gwo sipriz nan konkou 3 pwen All Star 2019 la ki dewoule ayè samdi a. Malgre prezans Stephen Curry, se jwè ekip Brooklyn Nets la, Joe Harris ki genyen distenksyon sa.

Ak 26 pwen, Harris bat nan final Stephen Curry (Golden State) anpil espesyalis konsidere kòm jwè ki pi konn choute 3 pwen nan listwa lig la.

Buddy Hield (Sacramento Kings), Dirk Nowitzki (Dallas), Damian Lilard ak Seth Curry (Potland) se kèk pami 10 jwè ki te patisipe nan konkou sa. Nap raple, ane pase se Devin Booker jwè Phoenix ki te ranpòte konkou a. Li te pami 10 patisipan yo ane sa, men li pat rive kalifye pou final.

Pou lòt konkou ki te genyen pandan sware a, Jayson Tatum ranpòte Skills la alòske Hamidou Diallo genyen konkou Dunk la.

Kreyòl Enfo

0 comment