Kreyòl Enfo, 22 oktòb 2019.- Ansyen kandida pou pòs senatè nan depatman lwès Muraille Jean Myrtho resevwa plizyè kout wòch nan tèt, aprè midi madi a (22), pandan yon manifesyon kont Jovenel Moise nan komin Kafou.
Analis politik Zénith FM nan presize pou redaksyon Kreyòl Enfo (KE) se yon gwoup patizan zele pouvwa Tèt Kale a ki kalonnen l anba kout wòch pou pozisyon politik li. Viktim nan ki fè kwè atak sa rantre nan kad yon tantativ pou asasine l pou pozisyon politik li di l ap » kontinye konbat Dinozò sèt tèt la jouk li demisyone » nan tèt Leta a.
Muraille Jean Mytho ki te al panse nan yon lopital deja « rantre lakay li pou al repoze », daprè yon kolaboratè li nan radyo Zénith.
Kreyòl Enfo