Home Aktyalite Mobilizasyon jeneral kont Tèt Kale nan lokazyon anivèsè asasinay papa Nasyon an

Mobilizasyon jeneral kont Tèt Kale nan lokazyon anivèsè asasinay papa Nasyon an

by Kreyòl Enfo

Kreyòl Enfo, oktòb 2019 .- Gwo manifestasyon anonse nan tout peyi a, jodi jedi a, toujou nan lide pou fòse prezidan Jovenel Moise demisyone. Opozisyon an deside ogmante presyon an sou Jovenel Moise, 17 oktòb sa, nan lokazyon 213e anivèsè papa Nasyon an, Jan Jak Desalin.

(11:00) Kolaboratè Kreyòl Enfo (KE) k ap virewon nan tout peyi a konstate manifestasyon deja demare nan kapital la ak plizyè vil pwovens.

Nan vil Mibalè (Plato Santral), plizyè milye moun ak mayo blan ap patisipe nan yon mach pasifik kont pouvwa Tèt Kale a epi mande jistis pou jounalis Néhémie Joseph ki te tonbe semèn pase a anba bal endividi otorite yo poko idantifye.

Okay (Sid), kawoutchou ap boule nan plizyè kalfou nan vil la. Pwotestatè yo kòmanse rasanble pou demare ak manifestasyon an.

Nan kapital la, Pòtoprens, tout aktivite paralize. Manifestasyon an ki demare nan plizyè branch kase randevou devan Mipana a, sou Channmas, nan lantouray Palè nasyonal.

Kreyòl Enfo

0 comment