Miragwàn, yon gwoup sitwayen pwoteste kont arestasyon prezime chèf gang « Loulou » ak konpayèl li yo

Miragwàn, samdi 8 desanm 2018.- Yon gwoup sitwayen nan zòn Chalon, premye seksyon komin Miragwàn, òganize yon mach pasifik, aprè midi 08 desanm 2018 la, pou mande lajisti libere 19 jèn nan lokalite a polisye nan komisarta Tigwàv te arete semèn pase a.

Pwotestatè sa yo ki te abiye ak rad koulè blan epi pankat nan men fè kwè se « inosan » lapolis te arete epi mete etikèt bandi sou yo.

« Libere inosan yo, yo pa gang, yo pa chimè  » se pawòl nou li sou kèk pankat ki te nan men pwotestè yo.

Pandan yon operasyon semèn pase a, lapolis fouke 19 jèn gason mele ak fanm pami yo prezime chèf gang Dumé Loudy moun plis konnen sou non  » Loulou » . Otorite yo sispèk endividi sa yo ta abitye patisipe nan move zak nan zòn Chalon.

Kreyòl Enfo