Home Sante Miragwàn, lopital Sent Terèz prèske pap fonksyone akoz pwoblèm dlo

Miragwàn, lopital Sent Terèz prèske pap fonksyone akoz pwoblèm dlo

by Kreyòl Enfo

Kreyòl Enfo, 5 novanm 2019.- Lopital Sent Terèz nan vil Miragwàn (Nip) ap fè fas ak yon gwo pwoblèm dlo ki vin pi grav depi anviwon de (2) mwa, daprè enfòmasyon ki parèt sou sit entènèt ajans Haïti Standard mèkredi 5 novanm nan.

Direktè Jeneral pou yon ti bout tan nan lopital la, Doktè Carel Couurtois esplike pwoblèm dlo sa a gen de (2) zan depi l ap boulvèse lopital la, sepandan sitiyasyon an vin dejenere akoz sitiyasyon latwoublay ki nan peyi a pandan dènye semèn yo. Direktè a regrèt popilasyon an ap soufri pou laswenyay akoz tout sèvis yo prèske pa p fonksyone.

Doktè Clarel Courtois siyale depi anviwon 2 lane Direksyon nasyonal dlo potab ak asenisman an ( DINEPA) sispann voye dlo nan lokal enstitisyon an. Direktè lopital Sent Terèz la pwofite kònen lanbi nan zòrèy tout otorite nan peyi a pou voye je sou lopital la.

Pwoblem dlo a pa sèl difikikte k ap sakaje administrasyon pi gwo sant sante depatman Nip la. Anplwaye enstitisyon gen plizyè mwa depi yo pa resevwa salè yo tou.

Kreyòl Enfo

0 comment