Ministè Edikasyon nasyonal anonse tout aktivite lèkòl ap reprann lendi 26 novanm nan

Pòtoprens, dimanch 25 novanm 2018 .- Nan yon kominike ki parèt dimanch 25 novanm nan, Ministè Edikasyon Nasyonal ak Fòmasyon Pwofesyonèl ( MENFP, sig nan lang franse) anonse tout akivite lekòl ak reprann nan tout peyi a depi demen lendi a.

Ministè a mande kolaborasyon popilasyon an ak moun k ap travay nan sektè edikatif la pou pèmèt lekòl la retounen fonksyone. MENFP ki siyale yon semèn lekòl sòt gaspiye raple enpòtans pou chak elèv pase yon kantite jou nan sal klas yo pandan yon lane eskolè.

Responsab Ministè Levasyon Nasyonal yo bay garanti Leta ap pran tout dispozisyon pou akonpaye elèv ak pwofesè depi nan lari a jouk nan sal klas yo.

Semèn ki sot pase a lekòl pat fonksyone nan kapital la ak divès vil pwovens akoz grèv ak mouvman pwotestasyon kont prezidan Jovenel Moise.