Home Espò Meyè jwè, pi bon antrenè : zetwal ki plis klere nan NBA a pandan mwa Janvye a

Meyè jwè, pi bon antrenè : zetwal ki plis klere nan NBA a pandan mwa Janvye a

by Kreyòl Enfo

Kreyòl Enfo, 2 février 2019 .- Espesyalis nan baskètbòl ameriken yo rekonpanse jwè ak antrenè ki te distenge yo nan NBA a pandan mwa janvye a.

Zetwal Embiid

Onz (11) viktwa, kat (4) defèt se bilan Philadelphie Sixers soti premye pou rive 31 janvye 2019 la . Sixers yo reyisi bon pèfòmans sa gras ak Joël Embiid ki fini meyè jwè konferans lès la pou mwa pase a. Pandan peryòd sa, Embiid woule ak yon mwayèn 29.2 pwen, 3.8 pas epi 13.8 rebon nan chak match.

Fenomèn Harden

Nan konferans lwès la, se James Harden ki fè lalwa pandan mwa pase a. Gras ak yon mwayèn 43.6 pwen , 8.7 rebon ak 7.6 pas nan chak match, Harden pèmet Houston Rockets fè uit (8) viktwa sou katòz (14) match li jwe pandan peryòd sa.

Pou jwè k ap fè premye sezon yo nan lig la (Rookie)

Nan konferans lès la se Luka Doncic ( Dallas Mavericks) ki ranpòte lamayòl pandan mwa janvye a pami jwè k ap jwe premye sezon yo nan NBA a. Trae Young ( Atlanta Hawks) fini « Rookie » mwa janvye a nan konferans lwès la.

Antrenè yo

Steve Kerr : 11viktwa 2 defèt ( Golden State Warriors) fini devan nan konferans lwès la tandiske, Mike Budenholzer 12viktwa 3 defèt ( Milwaukee Bucks) se te pi bon antrenè konferans lès la pandan mwa janvye a.

Kreyòl Enfo

0 comment